Psa 67 | KYG | STEP | Goti'a fiku laha maeno lamiteno alino maku huno lageno.

Psalms 67

Ala agi'amo amiyo, huno hu'niya gemae

1 Goti'a fiku laha maeno lamiteno alino maku huno lageno. 2 Ani kava hisanage'apae'mo muki ma mopafi vaya'mogimo ka'mo agesagekae'mo apakufamo alika katika apategane. 3 O Gotiyo, hu'na, muki alu nofi vaya'mogi'e alu nofi vaya'mogi'e'mo kagikale'mo ali'a asaga hiyo. Muki alu nofi vaya'mogi'e alu nofi vaya'mogi'e'mo kagikale'mo ali'a asaga hiyo. 4 Kagaemo fatago kava'mo huka alika fako huka apateteka muki alu nofi vaya'aite'e alu nofi vaya'aite'e'mo yagaika ne'apatana'mofe'mo apamogaga aite'a yoke hiyo. 5 O Gotiyo, hu'na, alu nofi vaya'mogi'e alu nofi vaya'mogi'e'mo kagikale'mo ali'a asaga hiyo. Muki alu nofi vaya'mogi'e alu nofi vaya'mogi'e'mo kagikale'mo ali'a asaga hiyo. 6 Ma mopafati'mo ne'ya'mo ago afole ai'nigeno'ae'mo Goti'a Gotitimo'mo laha maeno lami'niye. 7 Goti'a laha maeno lami'niyanagi muki ma mopafi vaya'mogimo agaefeke'mo koli hute'a mono hiyo.